ກອງປະຊຸມໃຫຍ່ຜູ້ແທນທົ່ວປະເທດພັກກອມມູນິດຫວຽດນາມ ຄັ້ງທີ XIII ໄດ້ໄຂຂື້ນຢ່າງເປັນທາງການ ໃນວັນທີ 25 ມັງກອນ - 02 ກຸມພາ 2021.
ກອງປະຊຸມໃຫຍ່ຜູ້ແທນທົ່ວປະເທດພັກກອມມູນິດຫວຽດນາມ ຄັ້ງທີ XIII ໄດ້ໄຂຂື້ນຢ່າງເປັນທາງການ ໃນວັນທີ 25 ມັງກອນ - 02 ກຸມພາ 2021.
1. ຜູ້ແທນສົມບູນ 1.587 ສະຫາຍ (ເພດຍິງ 13,99% ແລະ ຊົນເຜົ່າ 11,03%) ໄດ້ຕາງໜ້າໃຫ້ສະມາຊິກພັກ ຫຼາຍກວ່າ 5,1 ລ້ານຄົນໃນທົ່ວປະເທດ ເຂົ້າຮ່ວມກອງປະຊຸມຄັ້ງນີ້ ເຊິ່ງຈັດຂຶ້ນເປັນເວລາ 09 ວັນ ເພື່ອສະເໜີບັນດານະໂຍບາຍໃນຕໍ່ໜ້າ ແລະ ເນື້ອໃນສຳຄັນຂອງກອງປະຊຸມ ຈະມີການປ່ຽນແປງໃໝ່ ແລະ ວາງເປົ້າໝາຍໃນການພັດທະນາປະເທດ ຂອງ ສສ ຫວຽດນາມ.
2. ກ່ອນດຳເນີນກອງປະຊູມ, ຄະນະຜູ້ແທນກອງປະຊູມໃຫຍ່ ໄດ້ເຂົ້າຢ້ຽມຂໍ່ານັບປະທານ ໂຮຈີມີນ ຜູ້ກໍ່ຕັ້ງພັກຄອມມູນິດອິນດູຈີນ ແລະ ພັກຄອມມູນິດຫວຽດນາມ.
3. ສະຫາຍ ນາງ ຫງວນ ທິ ກີມ ເງິນ ໄດ້ຕາງໜ້າຄະນະບໍລິຫານງານສູນກາງພັກສະໄໝ XII ເປັນປະທານດຳເນີນວາລະກອງປະຊູມໃຫຍ່ XIII, ໄດ້ແຈ້ງວາລະກອງປະຊູມ ລະບຽບການກອງປະຊູມ ແລະ ຜູ້ແທນກອງປະຊູມໃຫຍ່ໄດ້ລົງມະຕິຮັບຮອງ ຄະນະປະທານກອງປະຊູມ ຄະນະກອງເລຂາກອງປະຊູມໃຫຍ່ XIII ແລະ ຄຸນສົມບັດຜູ້ແທນກອງປະຊູມໃຫຍ່ຢ່າງເປັນທາງການ.
4. ບັນດາແຂກທີ່ເຂົ້າຮ່ວມກອງປະຊຸມ (ວາລະເປີດກວ້າງ) ປະກອບມີ: ອະດີດການນຳພັກ-ລັດ, ທູຕານຸທູດ ແລະ ຕົວແທນນັກການທູດຕ່າງປະເທດ, ຜູ້ຕາງໜ້າອົງການຈັດຕັ້ງສາກົນ ຢູ່ນະຄອນຫຼວງຮ່າໂນ່ຍ, ຊາວໜຸ່ມ, ນັກຮຽນຮູ້ປັນຍາຊົນ ແລະ ຕົວແທນຈາກອົງການຈັດຕັ້ງສາສະນາ.
5. ກອງປະຊູມໃຫຍ່ ໄດ້ຮັບຟັງບົດລາຍງານການເມືອງ ແລະ ແຜນພັດທະນາເສດຖະກິດສັງຄົມ ຕາມລຳດັບ.
ເຜີຍແຜ່ໂດຍ: ທ່ານ ວິໄລສັກ
ເວລາ:26-56-2021
ຈຳນວນຜູ້ເຂົ້າຢ້ຽມຊົມ 2083 ຄັ້ງ